من “داك البهلة”… لمقاولة بنت سمعـتها Imane Boutaleb

إلى كنتِ شاكّة فراسك وكتظنّي راسك غير قادرة تغيّري الواقع ديالك… ما تخافيش. آجي نحكيلك قصة إيمان. « أنا كانوا كيقولوا عليّ بهلة… والحلم ديالي كان غير نتزوّج. » فالأول كان الحلم ديالي نتزوّج ونجلس فالدار، ونعيش بحال عيالات زمان. ولكن كيف كنقولو: الجلوس فالدار ربّاني، حيث تعلّمت شنو هي الدار وشنو هي المرا، وعلّمني باللي المرا اللي ما مستقلاش مادّياً، راه دايماً ناقصا شي حاجة. الحظ ديالي كان أنني تلقّيت واحد الإنسان اللي طرح عليّ فكرة، ومن هاد الفكرة بدا التغيير. راجلي وقف معايا، عاونّي، وشجّعني، واليوم أنا مقاولة. نمّيت الثقة فراسي، نمّيت القدرات ديالي، وبنيت المشروع ديالي خطوة بخطوة. الرسالة ديال إيمان لكل مرا: ما كتعرفيش فين ومنين غادي يجيك الخير، ولكن خاصك ديري الأسباب، وقبل أي حاجة… ثيقي فراسك.